22 აგვისტოს თიბისი ბანკისა და თიბისი სტატუსის ინიციატივით, ბათუმის თიბისი გალერეაში „ფოკანის“ საიუველირო და საეკლესიო ნაკეთობების გამოფენა-გაყიდვა გაიხსნა.  მოწვეულ სტუმრებსა და თიბისი სტატუსის მომხმარებლებს საშუალება მიეცათ, ესარგებლათ ექსკლუზიური, 10%-იანი ფასდაკლებით და შეეძინათ მათთვის სასურველი, ძვირფასი ნივთები.  დამთვალიერებელმა პირველად ნახა სამეგრელოს დედოფლის, ეკატერინე ჭავჭავაძის საყურის ასლი, რომელიც  „ფოკანის“ ოსტატებმა სპეციალურად ამ გამოფენისთვის დაამზადეს. გადმოცემით, ეს, სწორედ, ის საყურეა, რომელმაც ნიკოლოზ ბარათაშვილს თავისი ცნობილი ლექსი „საყურე“ შთააგონა.  გამოფენაზე ასევე წარმოდგენილი იყო „ფოკანის“ კოლექციაში შესული უნიკალური ნამუშევრები: უახლესი ტექნოლოგიით დამზადებული ოქრომჭედლობის ნიმუშები, თანამედროვე დიზაინის სამკაული, ტიხრული მინანქრით, ფაიფურითა და მოზაიკის ელემენტებით გაფორმებული აქსესუარები.