Glovo-მ და თიბისიმ სამწლიანი ექსკლუზიური სტრატეგიული პარტნიორობა გააფორმეს. დიდი თანამშრომლობა ერთმანეთთან დააკავშირებს რეგიონის ორ უდიდეს მოთამაშეს - ერთი მხრივ წამყვან ფინანსურ ინსტიტუციასა და უდიდეს ტექ.კომპანია თიბისის და მეორე მხრივ, რეგიონში მიწოდების სერვისის ბაზარზე წამყვან მოთამაშესა და ყველაზე სწრაფად მზარდ სტარტაპს,  გლოვოს.

თიბისისა და Glovo-ს პარტნიორობის მიზანი ადამიანების ცხოვრების გამარტივებაა.

 

რას გულისხმობს პარტნიორობა?

  • Glovo App-ში საბანკო მომსახურების ინტეგრაცია დაიწყო, რაც იმას ნიშნავს, რომ  Glovo-ს აპლიკაციაში უკვე ხელმისაწვდომია თიბისის ფინანსური სერვისები;
  • ექსკლუზიურად, თიბისისა და Glovo-ს მომხმარებლები სხვადასხვა ერთობლივი შეთავაზებითა და ბენეფიტებით ისარგებლებენ;
  • დაიწყო მუშაობა ერთობლივ სოციალურ პროექტებზე;
  • ტრენინგების, ფინანსური განათლებისა და ცნობიერების ამაღლების კამპანიების მეშვეობით, თიბისი Glovo-სთან ერთად ახალი ღირებულებებისა და ცოდნის გავრცელებას შეუწყობს ხელს;
  • ძლიერდება სტარტაპების, მცირე და საშუალო ბიზნესის/ვაჭრობის მხარდაჭერა.

 

თიბისის სერვისები Glovo-ს აპლიკაციაში

საწყის ეტაპზე, Glovo-დან სამი სერვისის — თიბისი ნაკრების, თიბისი კონცეპტის ციფრული ნაკრებისა და თიბისი კრედიტის მიღებაა შესაძლებელი.

თიბისი ნაკრები აერთიანებს შენზე მორგებულ საბანკო პროდუქტებს და საშუალებას გაძლევს, მარტივად მართო საკუთარი ფინანსები. 2, 5 ან 10 ლარიანი ნაკრები, საჭიროებების მიხედვით, აერთიანებს უფასო ციფრულ ბანკს, თანხის განაღდებას, კომუნალურ გადახდებს, დაზღვევასა და სხვა სერვისებს.


თიბისი კონცეპტი თიბისის პერსონალური საბანკო მომსახურებაა, რომელიც გაძლევს მეტ დროს ახალი აღმოჩენებისთვის, მიზნებისა თუ გეგმების შესასრულებლად. Glovo-ზე შეძლებ შეუკვეთო თიბისი კონცეპტის ციფრული ნაკრები, რომლის მეშვეობითაც სხვადასხვა შემოთავაზებითა და უპირატესობებით ისარგებლებ.

თიბისი კრედიტის დახმარებით კი სამომხმარებლო სესხის აღება დისტანციურად შეგიძლია შენზე მორგებული პირობებით.