ა) ოჯახს/მარტოხელა მშობელს/ქვრივს, რომელსაც სესხის აღების მომენტში ჰყავს 2021 წლის 1-ელი სექტემბრის შემდეგ დაბადებული 1 წლამდე ასაკის შვილი; 

ბ) ოჯახს/მარტოხელა მშობელს/ქვრივს, რომელსაც სესხის აღების მომენტში ჰყავს არასრულწლოვანი შვილი, რომელიც 2021 წლის 1-ელი სექტემბრის შემდეგ აიყვანა.

სამოქალაქო ქორწინებაში მყოფი პირი: სამოქალაქო ქორწინების მოწმობა; მარტოხელა მშობელი: ცნობა, რომ არ იმყოფება რეგისტრირებულ ქორწინებაში; ქვრივი: მეუღლის გარდაცვალების მოწმობა; შვილების შესახებ ინფორმაცია: ბავშვების დაბადების მოწმობა/ები; შვილად აყვანის შემთხვევაში შესაბამისი დამადასტურებელი დოკუმენტი; გერის შემთხვევაში, სტატუსი დგინდება დაბადების მოწმობიდან.

სუბსიდირება მოქმედებს სესხის გაცემიდან მაქსიმუმ 60 თვის პერიოდზე. შენიშვნა: იპოთეკური სესხის მაქსიმალური ვადაა 240 თვე. თუ ბანკის მიერ გაცემული სესხის ვადა 60 თვეზე ნაკლებია, სააგენტო შესაბამისი ვადის მიხედვით დაასრულებს სუბსიდირებას.

შესაძენი/ასაშენებელი უძრავი ქონება სუბსიდირების მანძილზე უნდა იყოს იპოთეკით დატვირთული ბანკის სასარგებლოდ; აღნიშნულ სესხებზე დაშვებული არ არის საშეღავათო პერიოდი/პროცენტის გადანაწილება.

თუ გყავს შვილად აყვანილი/შეძენილი 1 წლამდე ასაკის ბავშვი (მეუღლეებს როგორც ერთად, ასევე, ცალ-ცალკე) მხოლოდ ერთხელ შეგიძლია ისარგებლო პროგრამით, მიუხედავად იმისა თუ რა რაოდენობის სესხი გაქვს აღებული პროგრამის ფარგლებში.

თუ გყავს 3 ან მეტი არასრულწლოვანი შვილი, მათ შორის, 1 წლამდე ასაკის, შეგიძლია სუბსიდირებით ისარგებლო მეორეჯერაც. თუ პროგრამაში ჩართვის შემდეგ, გააჩენ ან/და შვილად აიყვან მე-4 ან მეტ შვილს, შეგიძლია დამატებით აიღო სესხი. შენ მიერ აღებული სუბსიდირებული სესხების ჯამური მოცულობა არ უნდა აჭარბებდეს 200 000 ლარს;

მრავალშვილიანთა/ახალშობილთა სუბსიდირებული პროგრამის („სუბსიდირებული იპოთეკური სესხის" სახელმწიფო პროგრამის დამტკიცების შესახებ) ფარგლებში გაცემული სესხების შემთხვევაში სსიპ „აწარმოე საქართველოში"-ის (შემდგომში „სახელმწიფო" / „სააგენტო") მიერ თანადაფინანსების წილის განსაზღვრის პირობები და მაგალითები.

თუ, სესხის გრაფიკით გათვალისწინებული გადასახდელი პროცენტის (თანხის) გადახდის დღის მდგომარეობით საქართველოს ეროვნული ბანკის (შემდგომში „ეროვნული ბანკი" / „სებ") მიერ დადგენილი რეფინანსირების განაკვეთი შეადგენს 10%, ასეთ შემთხვევაში სახელმწიფოს მიერ თანადაფინანსების წილი განისაზღვრება შემდეგნაირად:

თუ, სესხის მოქმედების პერიოდში შეიცვალა ეროვნული ბანკის მიერ დადგენილი რეფინანსირების განაკვეთი და გახდა 9%, ასეთ შემთხვევაში შეიცვლება სახელმწიფოს მიერ თანადაფინანსების წილი და განისაზღვრება შემდეგნაირად:

თუ, სესხის მოქმედების პერიოდში ისევ გაიზრდება ეროვნული ბანკის მიერ დადგენილი რეფინანსირების განაკვეთი და მაგალითად გაზრდის შედეგად გახდება 13%, ასეთ შემთხვევაში სახელმწიფოს მიერ თანადაფინანსების წილი განისაზღვრება შემდეგნაირად:

სებ-ის რეფინანსირების განაკვეთის ცვლილების (შემცირების / გაზრდის) მიუხედავად, სახელმწიფოს მიერ თანადაფინანსების მაქსიმალური საპროცენტო განაკვეთი განისაზღვრება შემდეგნაირად:

თუ, სესხის მოქმედების პერიოდში ეროვნული ბანკის მიერ დადგენილი რეფინანსირების განაკვეთი ცვლილების შედეგად გაუტოლდება 5%-ს, შეჩერდება თანადაფინანსება სახელმწიფოს მხრიდან, რომელიც განახლდება მხოლოდ იმ შემთხვევაში და იმ მომენტიდან, როდესაც (თუ) სებ-ის მიერ დადგენილი რეფინანსირების განაკვეთი გაიზრდება 5%-ზე მეტი ოდენობით.

მაგალითები:

მსესხებელს აქვს სესხი 200 000 ლარის ოდენობით, რომელიც გაცემულია შერეულგანაკვეთიანი პროცენტით: ფიქსირებულ საპროცენტო პერიოდში 11.4%, ხოლო ინდექსირებულ საპროცენტო პერიოდში, 12.2% (ხელშეკრულების გაფორმების მომენტში არსებულ (დაფიქსირებულ) საჯარო ინდექსს დამატებული ბანკის პროცენტი), ეროვნული ბანკის მიერ დადგენილი რეფინანსირების განაკვეთის ცვლილებები თანხობრივად აისახება შემდეგნაირად:

როდესაც რეფინანსირების განაკვეთი არის 10%, ფიქსირებულ პერიოდში ყოველთვიურად გადასახდელი ჯამური თანხაა - 2000 ლარი:

რეფინანსირების განაკვეთის 9%-მდე შემცირების შემთხვევაში, ფიქსირებულ პერიოდში ყოველთვიურად ჯამურად გადასახდელი თანხა რჩება უცვლელი - 2000 ლარი, თუმცა იცვლება კლიენტისა და სააგენტოს მიერ განსახორციელებელი შენატანები (გადასახდელი პროცენტის წილები):

თუ სესხი არის ინდექსირებულ პერიოდში და მიმდინარე რეფინანსირების განაკვეთია 10%, სესხის პროცენტი - 12.2%, ყოველთვიურად გადასახდელი ჯამური თანხაა - 2500 ლარი:

რეფინანსირების განაკვეთის 9%-მდე შემცირების შემთხვევაში, ინდექსირებულ პერიოდში შეიცვლება სესხის როგორც ყოველთვიურად გადასახდელი პროცენტი, ასევე, მსესხებლისა და სააგენტოს გადასახდელი პროცენტის წილი. სესხის პროცენტი იქნება 11.2%, ხოლო ყოველთვიურად გადასახდელი ჯამური თანხაა 2200 ლარი:

დეველოპერთა სუბსიდირებული პროგრამის („იპოთეკური კრედიტების მხარდაჭერის მექანიზმის" სახელმწიფო პროგრამის დამტკიცების შესახებ) ფარგლებში გაცემული სესხების შემთხვევაში სსიპ „აწარმოე საქართველოში"-ის (შემდგომში „სახელმწიფო" / „სააგენტო") მიერ თანადაფინანსების წილის განსაზღვრის პირობები და მაგალითები:

თუ სესხი გაიცა ფიქსირებულ საპროცენტო განაკვეთით და/ან სესხი გაიცა შერეული განაკვეთით და დადგა ფიქსირებული საპროცენტო განაკვეთის მოქმედების პერიოდი და სესხის გაცემის დღის მდგომარეობით ეროვნული ბანკის მიერ დადგენილი რეფინანსირების განაკვეთი შეადგენდა 10%, ასეთ შემთხვევაში სახელმწიფოს მიერ თანადაფინანსების წილი განისაზღვრება შემდეგნაირად: 10% (რეფინანსირების განაკვეთი) - 4.25% (არაუმეტეს 4%-ისა) -> 4%.

თუ სესხის გაცემის დღის მდგომარეობით სებ-ის მიერ დადგენილი რეფინანსირების განაკვეთი შეადგენდა 8%, ასეთ შემთხვევაში სახელმწიფოს მიერ თანადაფინანსების წილი განისაზღვრება შემდეგნაირად: 8% (რეფინანსირების განაკვეთი) - 4.25% (არაუმეტეს 4%-ისა) -> 3.75%.

ფიქსირებული საპროცენტო განაკვეთის მოქმედების პერიოდში სებ-ის რეფინანსირების განაკვეთის ცვლილების მიუხედავად, სააგენტოს თანადაფინანსების წილი არ შეიცვლება (თანადაფინანსების მიზნებისთვის გამოყენებული იქნება სესხის გაცემის დღის მდგომარეობით ეროვნული ბანკის მიერ დადგენილი რეფინანსირების განაკვეთი).

თუ სესხი გაიცემა ინდექსირებული საპროცენტო განაკვეთით და/ან სესხი გაიცა შერეული განაკვეთით და დადგა ინდექსირებული საპროცენტო განაკვეთის მოქმედების პერიოდი, სააგენტოს თანადაფინანსების მიზნებისთვის გამოყენებული იქნება სესხის გაცემის / საპროცენტო განაკვეთის პერიოდის ცვლილების დღის მდგომარეობით ეროვნული ბანკის მიერ დადგენილი რეფინანსირების განაკვეთი, რომელიც შეიცვლება (გაიზრდება / შემცირდება) სებ-ის რეფინანსირების განაკვეთის ცვლილების შესაბამისად.

მაგალითად:

თუ, ინდექსირებული საპროცენტო განაკვეთის პერიოდის დროს სებ-ის რეფინანსირების განაკვეთი იყო 10%, სააგენტოს თანადაფინანსება იქნება: 10% (რეფინანსირების განაკვეთი) - 4.25% (არაუმეტეს 4%-ისა) -> 4%.

სესხის გაცემის / საპროცენტო განაკვეთის პერიოდის ცვლილების შემდგომ (სესხის მოქმედების პერიოდში) სებ-ის რეფინანსირების განაკვეთის ცვლილების (გაზრდის/შემცირების) შემთხვევაში, შესაბამისად გაიზრდება/შემცირდება სააგენტოს თანადაფინანსების პროცენტიც (წილიც).

მაგალითად:

თუ სესხის გაცემის / საპროცენტო განაკვეთის პერიოდის ცვლილების შემდგომ (სესხის მოქმედების პერიოდში) რეფინანსირების განაკვეთი გახდა 8%, სააგენტოს თანადაფინანსება განისაზღვრება შემდეგნაირად: 8% (რეფინანსირების განაკვეთი) - 4.25% (არაუმეტეს 4%-ისა) -> 3.75%.

თუ სესხის მოქმედების პერიოდში ისევ გაიზრდება ეროვნული ბანკის მიერ დადგენილი რეფინანსირების განაკვეთი და მაგალითად გაზრდის შედეგად გახდება 9%, ასეთ შემთხვევაში სახელმწიფოს მიერ თანადაფინანსების წილი განისაზღვრება შემდეგნაირად: 9% (რეფინანსირების განაკვეთი) - 4.25% (არაუმეტეს 4%-ისა) -> 4%.

ამავდროულად, თუ სესხის მოქმედების პერიოდში ეროვნული ბანკის მიერ დადგენილი რეფინანსირების განაკვეთის ცვლილების შედეგად გაუტოლდება 5%-ს, შეჩერდება თანადაფინანსება სახელმწიფოს მხრიდან, რომელიც განახლდება მხოლოდ იმ შემთხვევაში და იმ მომენტიდან, როდესაც (თუ) სებ-ის მიერ დადგენილი რეფინანსირების განაკვეთი გაიზრდება 5%-ზე მეტი ოდენობით.

მაგალითები:

მსესხებელს აქვს სესხი 135,000 ლარის ოდენობით, რომელიც გაცემულია შერეულ განაკვეთიანი პროცენტით: ფიქსირებულ პერიოდში - 12.25%, ინდექსირებულ პერიოდში - 13.75% (ხელშეკრულების გაფორმების მომენტში არსებულ (დაფიქსირებულ) საჯარო ინდექსს დამატებული ბანკის პროცენტი). სესხის გაცემის მომენტში ეროვნული ბანკის მიერ დადგენილი რეფინანსირების განაკვეთი იყო 8%. კლიენტის / სახელმწიფოს მიერ გადასახდელი თანხ(ებ)ის ოდენობა განისაზღვრება შემდეგნაირად:

თუ სესხი გაიცა ფიქსირებულ პროცენტში, ყოველთვიურად გადასახდელი ჯამური თანხა 2000 ლარი:

ფიქსირებული საპროცენტო განაკვეთის მოქმედების პერიოდში სებ-ის რეფინანსირების განაკვეთის ცვლილების მიუხედავად, სააგენტოს თანადაფინანსების წილი არ შეიცვლება (თანადაფინანსების მიზნებისთვის გამოყენებული იქნება სესხის გაცემის დღის მდგომარეობით ეროვნული ბანკის მიერ დადგენილი რეფინანსირების განაკვეთი). ასევე, არ შეიცვლება ყოველთვიურად გადასახდელი ჯამური თანხა/თანხები.

სესხის ინდექსირებულ პერიოდში გადასვლისას, თუ საპროცენტო განაკვეთის პერიოდის ცვლილების დღის მდგომარეობით რეფინანსირების განაკვეთი არის 8% და სესხის პროცენტი 13.75%, ყოველთვიურად გადასახდელი ჯამური თანხაა 2600 ლარი:

თუ სესხი გაიცემა ინდექსირებული საპროცენტო განაკვეთით და სესხის გაცემის მომენტში რეფინანსირების განაკვეთი არის 10%, ხოლო სესხის საპროცენტო განაკვეთი შეადგენს 15.75%-ს, ყოველთვიურად გადასახდელი ჯამური თანხაა 2800 ლარი:

რეფინანსირების განაკვეთის 9%-მდე შემცირების შემთხვევაში, შეიცვლება სესხის როგორც ყოველთვიურად გადასახდელი პროცენტი (თანხა), ასევე, მსესხებლისა და სააგენტოს გადასახდელი პროცენტის წილ(ებ)ი: სესხის პროცენტი იქნება 14.75%, ხოლო ყოველთვიურად გადასახდელი ჯამური თანხაა 2700 ლარი.