ბანკომატის გამოყენებასთან დაკავშირებული უსაფრთხოების რჩევები. თითოეული მათგანის გათვალისწინებით, მნიშვნელოვნად დაცულები იქნებით თაღლითების მიერ სხვადასხვა სახის გაყალბებისგან.  

• ყოველთვის დააკვირდით ბანკომატის ირგვლივ არსებულ გარემოს. არ გამოიყენოთ ბანკომატი, თუ შენიშნავთ საეჭვო გარემოებას ან/და პირებს;
• ბანკომატის გამოყენება არ არის რეკომენდირებული, თუ ბანკომატის სპეციალური გარე განათების საშუალებები ცუდად ანათებს;
• ასევე არ გამოიყენოთ ის ბანკომატები, რომლებიც გამოიყურება უჩვეულოდ (ბანკომატს მიმარგერული აქვს რაიმე სახის უჩვეული/არასტანდარტული მოწყობილობა)
• ბანკომატის გამოყენებისას, ყოველთვის დადექით ბანკომატის კლავიატურის წინ ისე, რომ მესამე პირების თვალთახედვის არეში ვერ მოხვდეს თქვენი ბარათის PIN-კოდის შეყვანის ქმედება;
• ბანკომატზე, ბარათის PIN-კოდის  შეყვანისას, ნუ მისცემთ მესამე პირებს საშუალებას, რომ თქვენი ზურგიდან დაინახონ ბანკომატზე თქვენს მიერ აკრეფილი PIN-კოდი. ყოველთვის დაიმახსოვრეთ თქვენი PIN-კოდი და არასდროს არ დაწეროთ თქვენი ბარათის PIN-კოდი, ბარათის უკანა მხარეს;
• იმ შემთხვევაში თუ, ბანკომატის გამოყენებით უნდა შეასრულოთ რამოდენიმე ოპერაცია, რეკომენდირებულია, რომ თანხის განაღდების ოპერაცია შეასრულოთ ყველაზე ბოლოს;
• ბანკომატის გამოყენების დასრულებისას, ყოველთვის დარწმუნდით, რომ:
  • თქვენი ბარათი და თანხა (თანხის განაღდების ოპერაციის შესრულებისას) თქვენ გაქვთ;
  • ნამდვილად დაასრულეთ თქვენს მიერ შესრულებული ოპერაცია. მაგალითად, თუ ბანკომატის ეკრანზე გამოვიდა შეტყობინება ,,გნებავთ სხვა ტრანზაქცია,,  კლავიატურაზე ღილაკი „გაუქმება" -ს  გამოყენებით  დაასრულეთ ოპერაცია ან ეკრანზე განთავსებული გვერდითა ფუნქციონალური ღილაკი „არა" -ს გამოყენებით  დაასრულეთ ოპერაცია.

ბანკომატთან დაკავშირებული ნებისმიერი ხარვეზის აღმოჩენისას ან კითხვების შემთხვევაში, დაგვიკავშირდით ცხელ ხაზზე   +(995 32) 2 27 27 27