თიბისი ბანკის სამეთვალყურეო საბჭოს წევრები
ჩვენ შესახებ
სამეთვალყურეო საბჭო
  • არნე ბერგრენი

    თიბისი ბანკის ჯგუფის დირექტორთა საბჭოს და თიბისი ბანკის სამეთვალყურეო საბჭოს თავმჯდომარე.

    არნე ბერგრენი ამჟამად არის კვიპროსის ბანკისა და პირეუსის ბანკის საბჭოს წევრი. მანამდე ის იყო აქტივების მართვის თურქული კომპანიის, LBT Varlik Yonetim-ის და სლოვენური ბანკის აქტივების მართვის კომპანიის, DUBT Ltd -ის საბჭოს წევრი. მას ასევე უმუშავია რამდენიმე წამყვან თანამდებობაზე ცნობილ საფინანსო ინსტიტუტებში, მათ შორის, საერთაშორისო სავალუტო ფონდში, მსოფლიო ბანკში, შვედეთის ბანკში, კარნეგის საინვესტიციო ბანკში შვედეთის ფინანსთა სამინისტროსა და ბანკების მხარდაჭერის სააგენტოში. სრულად ნახვა დახურვა
  • ცირა კემულარია

    თიბისი ბანკის ჯგუფის დირექტორთა საბჭოს და თიბისი ბანკის სამეთვალყურეო საბჭოს უფროსი დამოუკიდებელი წევრი

    ცირა კემულარია ამჟამად პასუხისმგებელია Shell-ის ვაჭრობისა და მომარაგების გლობალური შიდა აუდიტის მართვაზე. მანამდე ის იყო Shell International Ltd-ში, ჯგუფის ხაზინაში პენსიების სტრატეგიისა და სტანდარტების ხელმძღვანელი, კარიბის კუნძულებზე Shell Western Supply & Trading -ის ფინანსური მენეჯერი, რუსეთში/დსთ-ს ქვეყნებში Shell Exploration & Production-ის კომერციული ფინანსური მენეჯერი, Shell International Ltd-ის შერწყმისა და შესყიდვების მენეჯერი. ის ამჟამად არის British Gas საპენსიო სქემის კომპანიის ნდობით აღჭურვილი დირექტორი. ცირა კემულარიას 20 წლიანი სამუშაო გამოცდილება მოიცავს სხვადასხვა წამყვან პოზიციას ფინანსების სფეროში, კონკრეტულად, სავაჭრო და სახაზინო ორგანიზაციებში ამერიკის შეერთებულ შტატებში, გაერთიანებულ სამეფოში, რუსეთსა და კარიბის კუნძულებზე. ის არის ლონდონში, გაერთიანებულ სამეფოში, დირექტორთა ინსტიტუტის წევრი და პარალელურად სწავლობს დირექტორთა სერტიფიცირებულ პროგრამაზე. სრულად ნახვა დახურვა
  • მარია ლუიზა ჩიკონიანი

    თიბისი ბანკის ჯგუფის დირექტორთა საბჭოს და თიბისი ბანკის სამეთვალყურეო საბჭოს დამოუკიდებელი წევრი.

    მარია ლუისა ჩიკონიანი არის Marc Mobius Investment Trust -ის (საინვესტიციო ფონდი , რომელიც დაარსებულია მობიუს კაპიტალის პარტნიორების მიერ და მისი აქციები ივაჭრება ლონდონის საფონდო ბირჟაზე) თავმჯდომარე. 2015 წლიდან ის არის Arafa Holding-ის არააღმასრულებელი დირექტორი და Arafa Holding-ის ფილიალის, ეგვიპტის ბირჟაზე დალისტული Baird Group-ის საბჭოს დამკვირვებელი წევრი. ის მუშაობდა ევროპის რეკონსტრუქციისა და განვითარების ბანკში. იყო ფინანსური ინსტიტუტების დირექტორი Merill Lynch-ში და Renaissance Capital-ის მმართველი დირექტორი ლონდონსა და მოსკოვში. უახლოეს წარსულამდე ის იყო პრაღის ბირჟის ლისტინგში შემავალი Moneta Money ბანკის თავმჯდომარე. ის ასევე იყო მმართველი დირექტორი Mediobanca-ს ლონდონის ფილიალში. ასევე საბჭოს წევრი Azimut Global Counselling srl-სა და Azimut International Holding SA-ში. სრულად ნახვა დახურვა
  • აბიჯიტ აკერკარი

    თიბისი ბანკის ჯგუფის PLC დირექტორთა საბჭოს და სს თიბისი ბანკის სამეთვალყურეო საბჭოს დამოუკიდებელი წევრი, რისკის კომიტეტის წევრი

    აბიჯიტ აკერკარმა პუნის უნივერსიტეტი (ინდოეთი) ინჟინრის სპეციალობით დაამთავრა, შემდეგ კი ლონდონის ბიზნესის სკოლაში ბიზნესის ადმინისტრირების მაგისტრის ხარისხი (MBA) მოიპოვა. აკერკარი ავტორიტეტული ექსპერტია საბანკო სფეროში ხელოვნური ინტელექტის გამოყენების მიმართულებით. მას აქვს მოწინავე ტექნოლოგიების სტრატეგიულ გამოყენებაზე მუშაობის ოცდახუთწლიანი ინტერდისციპლინური გამოცდილება საერთაშორისო მასშტაბით, რაც ასევე მოიცავს Mckinsey & Co-ისთან თანამშრომლობას და ბიზნესის სფეროს ლიდერების კონსულტირებას სტრატეგიული, საოპერაციო, ორგანიზაციული და საინვეტიციო გადაწყვეტილებების მიღებისას. 1993-2003 წლებში აბიჯიტს სხვადასხვა მენეჯერული თანამდებობა ეკავა მალაიზიასა და ინდოეთში. მალაიზიის უმსხვილეს საბანკო ჯგუფში, მეიბანკში, იგი იპოთეკური და სავაჭრო დაფინანსების დიგიტალიზაციის პროექტზე მუშაობდა, 2003-2007 წლებში კი, იყო HCL Technologies-ს ბიზნეს პროცესების მომსახურების დირექტორი. სწორედ ამ პერიოდში, დირექტორთა საბჭოსთან და დამფუძნებელ თავმჯდომარესთან უშუალო თანამშრომლობით, მან კომპანიის ახალ ბიზნეს მიმართულებას ჩაუყარა საფუძველი. 2008-2016 წლებში, აკერკარის, როგორც Mckinsey & Co-ს ასოცირებული პარტნიორისა და ბიზნეს მომსახურების მიმართულების ხელმძღვანელის მოვალეობებში სტრატეგიული და საოპერაციო პროექტების წარმართვა შედიოდა. ის თანამშრომლობდა მსოფლიოს სხვადასხვა კომპანიებთან კორპორაციული სტრატეგიის, დიგიტალიზაციის, ორგანიზაციული რესტრუქტურიზაციის, მარეგულირებელი სტრატეგიის, მდგრადი განვითარებისა და შერწყმის/შეძენის ეფექტიანობის საკითხებთან დაკავშირებით. ბოლო დროს, 2020 წლის ივლისამდე, აკერკარი ლოიდის საბანკო ჯგუფის (Lloyds Banking Group) ბიზნესისა და გამოყენებითი მეცნიერებების ინტეგრაციის მიმართულების ხელმძღვანელი იყო. საცალო, კომერციული და სადაზღვევო საქმიანობის ეფექტიანობისა და კაპიტალის ოპტიმიზაციის უზრუნველსაყოფად, ის წარმართავდა ხელოვნური ინტელექტის მასშტაბური და უსაფრთხო დანერგვის, კოორდინირებული მუშაობისა და გადაწყვეტილების მიღების პროცესში ანალიტიკური მეთოდის განხორციელების პროცესებს. სრულად ნახვა დახურვა