აუდიტის კომიტეტი ეხმარება სამეთვალყურეო საბჭოს ზედამხედველობის პასუხისმგებლობის შესრულებაში, განსაკუთრებით შიდა კონტროლის, ანგარიშგების და ფინანსური, გარე ფინანსური ანგარიშგების, მარეგულირებელ და სამართლებრივ მოთხოვნებთან შესაბამისობის, შიდა აუდიტის, გარე აუდიტის და არა-აუდიტორული მომსახურებების მიმართულებით.

დამატებით, კომიტეტი სწავლობს თაღლითობის რისკების თავიდან არიდების, მონიტორინგის და მართვის პროცედურებს, უზრუნველყოფს შიდა კონტროლისა და სხვა სისტემების შეფასებას, ასევე ფინანსური და არა მხოლოდ ფინანსური რისკების თვიდან არიდებას.

აუდიტის კომიტეტი ოთხი წევრისაგან შედგება. კომიტეტს თავმჯდომარეობს პერ ანდერს ფასტი.

ქვემოთ მოცემულ ცხრილში წარმოდგენილია კომიტეტის ამჟამინდელი შემადგენლობა:

Audit Committee Terms of Reference

Download

რისკის კომიტეტი დახმარებას უწევს სამეთვალყურეო საბჭოს ბანკის მასშტაბით რისკის მართვის ჩარჩოს და რისკის აპეტიტის მიმართულებით. კომიტეტი ასევე პასუხისმგებელია რისკის ჩარჩოს ბანკის ზრდის სტრატეგიასთან შესაბამისობაზე, და ხელს უწყობს რისკის მმართველობის მყარი მიდგომის შესაბამისი რისკის აღების კულტურის ჩამოყალიბებას.

დამატებით, რისკის კომიტეტი ეხმარება სამეთვალყურეო საბჭოს იმ პროცესების და სისტემების ზედამხედველობაში, რომლებიც გამოიყენება რისკების იდენტიფიცირების, შეფასების, მართვის და მონიტორინგის მიზნებისთვის (როგორც ფინანსური, ასევე არა-ფინანსური რისკები).

რისკის კომიტეტი ოთხი წევრისაგან შედგება. კომიტეტს თავმჯდომარეობს კირიაკოპულოსი.

ქვემოთ მოცემულ ცხრილში წარმოდგენილია კომიტეტის ამჟამინდელი შემადგენლობა:

Risk Committee Terms of Reference

Download

ადამიანური რესურსებისა და ანაზღაურების კომიტეტი ეხმარება სამეთვალყურეო საბჭოს მისი პასუხისმგებლობების შესრულებაში, და იმის უზრუნველყოფაში, რომ ადამიანურ რესურსებთან დაკავშირებული სტრატეგიები, პოლიტიკები და პრაქტიკები თანხვედრაში იყოს ბანკის ზოგად სტრატეგიულ მიზნებთან.

დამატებით, კომიტეტი უზრუნველყოფს ბანკის ანაზღაურების პოლიტიკის და პრაქტიკების საკანონმდებლო და მარეგულირებელ მოთხოვნებთან შესაბამისობას, ბანკის გრძელვადიანი წარმატების ხელშეწყობას, ასევე თანამშრომლების სამართლიანად, კორპორაციულ შედეგებსა და სამუშაოს ინდივიდუალურ შესრულებაზე დაყრდნობით წახალისებას.

ადამიანური რესურსებისა და ანაზღაურების კომიტეტი ოთხი წევრისაგან შედგება. კომიტეტს თავმჯდომარეობს ჯანეტ ჰეკმანი.

ქვემოთ მოცემულ ცხრილში წარმოდგენილია კომიტეტის ამჟამინდელი შემადგენლობა:

Human Resources and Remuneration Committee Terms of Reference

Download

კორპორაციული მართვისა და ნომინაციის კომიტეტი საბჭოს ეხმარება სამეთვალყურეო საბჭოს და კომიტეტების შემადგენლობის განსაზღვრაში, სამეთვალყურეო საბჭოს უფროსი დამოუკიდებელი წევრის, ასევე კორპორაციული მდივნის შერჩევაში, ბანკის აღმასრულებელი მენეჯმენტის დანიშვნაში და მემკვიდრეობითი გეგმის მომზადებაში.

დამატებით, კომიტეტი მუშაობს ბანკის სტრუქტურული, კორპორაციული მმართველობის და გარემოს მარეგულირებელი კონტროლის საკითხებზე, ტალანტების მართვის პროცესზე, განიხილავს სამეთვალყურეო საბჭოს წევრობის კანდიდატებს. კომიტეტი რეგულარულად განიხილავს და ამზადებს რეკომენდაციებს სამეთვალყურეო საბჭოს და მისი კომიტეტების სტრუქტურის, ზომის, და შემადგენლობის ცვლილებებზე, უზრუნველყოფს მარეგულირებელ მოთხოვნებთან შესაბამისობას, და მოქმედებს საუკეთესო პრაქტიკის, მრავალფეროვნების პრინციპების, დამოუკიდებლობის, სამომავლო გამოწვევების და ბანკის სტრატეგიის შესაბამისად.

კორპორაციული მართვისა და ნომინაციის კომიტეტი ოთხი წევრისაგან შედგება. კომიტეტს თავმჯდომარეობს არნე ბერგრენი.

ქვემოთ მოცემულ ცხრილში წარმოდგენილია კომიტეტის ამჟამინდელი შემადგენლობა:

CGN Committee Terms of Reference

Download

ტექნოლოგიისა და მონაცემთა კომიტეტი მუშაობს ისეთ სტრატეგიულ საკითხებზე როგორიც არის ტექნოლოგიები, ციფრული სისტემები და პლატფორმები, მონაცემები, ანალიტიკა, ავტომატიზაცია და კიბერ უსაფრთხოება. კომიტეტის მიზანია სამეთვალყურეო საბჭოს აცნობოს და დაეხმაროს მას ბანკის ტექნოლოგიების და მონაცემთა სტრატეგიის ზედამხედველობაში, რათა უზრუნველყოფილი იქნას ბიზნეს და მარეგულირებელ მოთხოვნებთან შესაბამისობა.

კომიტეტი განიხილავს ტექნოლოგიებისა და მონაცემთა სისტემების შესაძლებლობებსა და რისკებს, მათ შორის აფასებს კონკურენტუნარიანობის გაზრდის შესაძლებლობებს, რისკებს და უზრუნველყოფს მედეგობას ცვალებადი ბიზნეს მოდელების, ტექნოლოგიების კონტექსტში, მარეგულირებელი ცვლილებების და კიბერ საფრთხეების შესაბამისად, კომიტეტი მჭიდროდ თანამშრომლობს სამეთვალყურეო საბჭოს რისკისა და აუდიტის კომიტეტებთან.

ტექნოლოგიისა და მონაცემთა კომიტეტი სამი წევრისაგან შედგება. კომიტეტს თავმჯდომარეობს რაჯივ სოუნი.

ქვემოთ მოცემულ ცხრილში წარმოდგენილია კომიტეტის ამჟამინდელი შემადგენლობა:

Technology and Data Committee Terms of Reference

Download

ESG და ეთიკის კომიტეტი ეხმარება და რჩევებს აძლევს სამეთვალყურეო საბჭოს ბანკის გარემოს, სოციალურ, მმართველობასთან (ESG) დაკავშირებული სტრატეგიის, პოლიტიკების და პროგრამების მიმართულებით, და უზრუნველყოფს, რომ ESG სტრატეგია დაინერგოს ბანკის ყველა ბიზნეს მიმართულებაში.

კომიტეტი ახდენს კოლექტიური ფასეულობების, ქცევის და კულტურის პოპულარიზაციას, ზედამხედველობს მენეჯმენტის მიერ ეთიკის კულტურის და შესაბამისი ქცევის დამკვიდრებას. ასევე, თანამშრომლების ეთიკურ ჩართულობას. დაკისრებული როლის შესრულების პროცესში, კომიტეტი პერიოდულად აახლებს ბანკის ESG სტრატეგიას, მათ შორის კლიმატის სტრატეგიას, ასევე დანერგვის გეგმებს და მონიტორინგს უწევს მათ აღსრულებას, ზედამხედველობს ESG პოლიტიკებს და პრაქტიკებს, და დანერგვის პროცესს, მათ შორის დაფინასების, სესხების, შიდა პროგრამის და სოციალური კონტრიბუციის საკითხებს. დამატებით, კომიტეტი ზედამხედველობს ESG საკითხების გასაჯაროებას, მათ შორის ანგარიშგებას კლიმატის ცვლილებასთან დაკავშირებულ საკითხებზე ფინანსური ანგარიშგების სამუშაო ჯგუფის (TCFD) პრინციპების შესაბამისად.

ESG და ეთიკის კომიტეტი სამი წევრისაგან შედგება. კომიტეტს თავმჯდომარეობს ერან კლაინი.

ქვემოთ მოცემულ ცხრილში წარმოდგენილია კომიტეტის ამჟამინდელი შემადგენლობა:

ESG and Ethics Committee Terms of Reference

Download